中學台語文教材教法 | 誠品線上

中學台語文教材教法

內容簡介

內容簡介 Chit本冊是thong世界頭chi̍t本《中學台語文教材教法》專冊，內容針對教育部2022年ê中學台語課綱做設計，由國立台中教育大學人文學院台灣語文學系ê「中等學校本土語文（台語文）教材教法」共學實踐社群委員kap助理tàu-tīn激頭腦piàⁿ-sì寫--出-來--ê。Tāi-seng beh服務ê對象是大學ê中等學校台語文專長ê師資培育生；koh來beh提供2022學年度開始實施ê 12年國教中學台語教師sù配ê教材指引。Chit本冊mā beh獻hō͘愛beh自我精進台語文ê台語人，mā幫chān想beh引chhōa kiáⁿ兒sī細o̍h母語ê台語人。 這本書是全世界第一本《中學台語文教材教法》專著，內容針對教育部2022年的中學台語課綱來設計，由國立台中教育大學人文學院台灣語文學系「中等學校本土語文（台語文）教材教法」共學實踐社群委員及助理群共同創思與撰寫而成。首要任務在於服務當前大學之中等學校台語文專長的師資培育生；並為2022學年度開始實施的12年國教中學台語教師提供合宜的自學專書。這本書也想獻給喜歡自我精進台語文實力的台語人，並幫助想要將母語傳承給子女兒孫的台語人。

作者介紹

作者介紹 丁鳳珍 等Chok-chiá kap Thoân-tūi Sêng-oân Siāu-kài作者kap團隊成員紹介丁鳳珍 Teng Hongtin 主編、作者、方案主持人、中教大台語系副教授梁淑慧 Niô͘ Siok-hūi 主編、作者、共學實踐社群委員 中教大台語系助理教授林茂賢 Lîm Bō͘-hiân 作者 國立台中教育大學台灣語文學系副教授兼系主任楊允言 Iûⁿ Ún-giân 作者、共學實踐社群委員、台中教育大學台語系副教授程俊源 Thiâⁿ Chùn-goân 作者、共學實踐社群委員 台中教育大學台語系副教授施炳華 Si Péng-hôa 作者、共學實踐社群委員 成功大學台灣文學系兼任教授、成功大學中文系教授退休蔣為文 Chiúⁿ Ûi-bûn 作者、共學實踐社群委員 成功大學台灣文學系教授兼系主任陳麗君 Tân Lē-kun 作者、共學實踐社群委員、成功大學台灣文學系教授林秀珍 Lîm Siù-tin 作者、共學實踐社群委員、台南女中國文老師 中山大學中文系博士曹芬敏 Chô Hun-bín 作者、共學實踐社群委員、彰化市中山國小教師國立台中教育大學語文教育學系博士 成功大學中等教育學程台語文專長師資班結業江澄樹 Kang Têng-chhiū 作者、共學實踐社群委員 台中市松竹國小台語教師、成功大學台灣文學系碩士林麗姿 Lîm Lē-chu 作者、共學實踐社群委員、台中市成功國小台語老師 成功大學台灣文學系碩士翁曉萍 Ang Hiáu-phêng 作者、共學實踐社群委員、台中教育大學台語系碩士生 清華大學中等學校台語文專長學士後教育學分班結業教育部中等教育音樂藝術專長教師kap中等教育台語文專長教師許芳誠 Khó͘ Hong-sêng 作者、共學實踐社群委員 竹山國中表演藝術科老師、台中教育大學台灣語文學系碩士生傅美玲 Pò͘ Bí-lêng 作者、共學實踐社群委員、彰化縣埔心國小台語老師 台中教育大學台灣語文學系碩士生kap國小師資生黃進旺 N̂ g Chìn-ōng 共學實踐社群委員、南投縣國小台語教師退休 成功大學台灣文學系碩士龔昱豪 Kióng Io̍ k-hô 共學實踐社群委員、台中教育大學台語系學士 台文館「台灣民間文學歌仔冊小事典編纂出版計畫」專任助理施秀玟 Si Siù-bûn 共學實踐社群委員、台中教育大學台語系學士 台中教育大學台語系碩士kap國小師資生廖永平 Liāu Éng-pêng 共學實踐社群委員、台中教育大學高等教育經管理碩士生中教大台語系學士、台中教育大學中等教育學程台語文、 專長師資生、台中市中港高中台語教師宋展旭 Sòng Tián-hiok 計畫助理、台中教育大學台語系學士kap國小師資生 台中教育大學台語系碩士生kap中等教育學程台語文專長師資生 台中市惠文國小台語專任教師陳柏鈞 Tân Pak-kun 計畫助理、台中教育大學台語系學士kap國小師資生 國立成功大學台灣文學系碩士生鄭凱元 Tēⁿ Khái-goân 計畫助理、中教大台語系學士 台中教育大學台語系碩士生kap中等教育學程台語文專長師資生 台南市黎明高中台語教師曾珮瑄 Chan Pōe-soan 計畫助理、台中教育大學台語系大學部學生 台中教育大學中等教育學程台語文專長師資生

產品目錄

產品目錄 1 推薦序 Recommendation／NTCU人文學院 莊敏仁教授 3 推薦序 為台灣之子女所寫的書／NTCU人文學院 林欽賢院長 5 推薦序 Tī台語發展歷史ê重要坎站，咱無欠席／成功大學 施炳華教授 9 Chú-pian ê Ōe 主編ê話／Teng Hongtin、梁淑慧 17 作者kap團隊成員紹介 19 台灣字 Pe̍h-ōe-jī kap教育部羅馬拼音對照表 001 第一章 台語文教學理論／陳麗君 031 第二章 台語文教育簡史kap未來ê公義／Teng Hongtin 067 第三章 台語文教師專業能力：台語概論／程俊源 111 第四章 釘根母語ê台灣學（Taiwanology）教育／蔣為文 137 第五章 素養導向ê中學台語文課程設計kap教學要領／梁淑慧 167 第六章 中學台語文教案設計kap多元學習評量／曹芬敏 203 第七章 台語文數位資源紹介／楊允言 221 第八章 中學台語文跨領域統整教學／林秀珍 259 第九章 台灣民俗文化／林茂賢 295 第十章 台語教學ê應用 296 第一節 台語漢詩吟誦教學／施炳華 316 第二節 台語ê腔調教學—聽鹿港人唸唱泉州腔／施炳華 337 第三節 中學藝術領域台語浸汰式教學／許芳誠 351 第四節 中學台語教案「水資源佗位揣」／翁曉萍 362 第五節 台語創思ê教學／林麗姿 374 第六節 台語教學ê資訊融入／傅美玲 387 第七節 台語認證考試要領／江澄樹 403 Iân-sin oa̍t-tho̍k chheh-toaⁿ 延伸閱讀冊單

商品規格

試閱文字

推薦序 : 推薦序
為台灣之子女所寫的書

林欽賢Lîm Khim-hiân
國立臺中教育大學人文學院院長
美術學系教授

語言，表示著一個民族的存在，也是民族最深刻而具體的心聲。丁鳳珍老師是目前我見過最熱情並最有系統推展台灣語文教育及其應用的人物，全身上下散發著「台灣之女」的氣息與意象。
由本院台灣語文學系丁鳳珍老師和梁淑慧老師主編及本院高教深耕計畫「中等學校本土語文（台語文）教材教法課程研發方案」的共學實踐社群團隊所共同撰寫的《中學台語文教材教法》，是接續近期台中教育大學受教育部支持，進而推動中等教育之台灣語文教學而開發的教材，為建立台灣語言教學之系統性而努力，其中諸如詞彙、文法、句型、慣例與經典等之編纂，都標示著國內學界所持續的努力：希望能形塑出台灣語文為通用而完備的表意工具，也期待能彰顯台語深刻的精神內涵，讓台語能表現出超越區域、文化的普遍實用性。
當然，身為台灣之子女，「台語」的語境中總是充滿著我成長的經歷與情感。所以在此特別感謝本書作者的教育精神，並誠摯地向社會推薦這本《中學台語文教材教法》。

試閱文字

自序 : 台語羅漢文／漢羅文版 Tâi-gí lô-hàn-bûn/hàn-lô-bûn pán
主編ê話
丁鳳珍、梁淑慧

Chit本冊是國立台中教育大學人文學院台灣語文學系執行ê教育部高教深耕計畫「中等學校本土語文（台語文）教材教法課程研發方案」額外ê禮物。因為阮無niá教育部ê稿費，出冊mā無the̍ h教育部ê錢，所以，阮歡喜自由做阮愛做--ê。
阮自2020年春天無êng kàu taⁿ，第3 ê春天已經離開。多謝國立台中教育大學郭伯臣校長kap王如哲前校長領導ê行政kap學術團隊，多謝師資培育暨就業輔導處魏麗敏處長tah心sio-thīn，多謝人文學院林欽賢院長kap莊敏仁前院長熱情ê鼓勵chham支持，多謝台語系林茂賢主任全然ê信任koh慷慨提供精彩ê文稿，多謝台語系陳麗華秘書、人文學院黃怡菁秘書kap計畫助理鄭翔茹小姐不三時tàu-saⁿ-kāng。
深深感謝阮chit ê方案ê共學實踐社群委員chham助理：丁鳳珍、梁淑慧、楊允言、程俊源、施炳華、蔣為文、陳麗君、林秀珍、曹芬敏、林麗姿、江澄樹、黃進旺、傅美玲、許芳誠、翁曉萍、龔昱豪、廖永平、施秀玟、曾珮瑄、陳柏鈞、宋展旭、鄭凱元。
Ài感謝ê人chiâⁿ chōe，感謝教lán講台語ê鄉親sī大，感謝éng過chōechōe為搶救台語ê性命來奉獻青春ê siăn-pái，多謝五南ê台灣書房願意替lán出冊，多謝願意掀開chit本冊ê你。Lán人jîn生ê溪水彎彎oat-oat ǹg前流--過去，有緣tâng-chê為lán台語人ê母語教育奉獻青春，lán歡喜甘願。Jîn生bōe-tit圓滿，世事oh-tit chiâu-chn̂g。本chiâⁿ阮想beh kā全部文稿ê用字、腔口lóng盡量改hō͘一致；lō͘尾，阮想講，chit-chūn是lán人轉型正義ê新時代，éng過威權時代ah-pà ê「一統」、「統一」，m̄ 是真理，mā ài考慮tio̍ h自由、個性chit ê原則。當然共有ê規範是互相溝通所需要--ê，m̄ -kú，到底án-nóa做khah好，阮想che需要lán ta̍k-ke tàu-tīn來實踐，只有無停睏繼續來書寫台語文，有hit-chi̍t-kang，lán會自然形成共識。因為ánni，chit本冊會tī尊重多元chham建構台語文書寫ê標準化chit nn̄g ê角度，來調整文稿ê用字。阮知影án-nóa做lóng有遺憾，chit本冊tiāⁿ-tio̍ h有bōechió欠點。若是beh thèng-hāu kàu圓滿，永遠to bōe有出版hit-chi̍t-kang。Ē-tàng tī台語文書寫標準化ê路途tang中，奉獻青春，lán是有福氣ê人。
Chit本冊tāi-seng beh服務ê對象是大學ê中等學校台語文專長ê師資培育生，因為in ê「中學台語文教材教法」chit門課程chiâⁿ需要tòe會tio̍ h時代ê教科書，che chiàⁿ是教育大學台語系老師ài taⁿ--起-來ê社會責任。Koh來beh提供hō͘「12年國教本土語文課綱」2022學年度開始實施ê中學台語教師sù配ê教材指引。Chit本冊mā beh獻hō͘愛beh自我精進台語文ê台語人，mā幫chān想beh引chhōa kiáⁿ兒sī細o̍ h母語ê台語人。Lán mā ài繼續要求中華民國ê教育部，緊緊落實「轉型正義」，mài koh一直the̍ h威權時代壓迫lán人ê「閩南語」chit款殖民ê印記，來chau-that lán台語人。Lán是台語人，lán愛beh教lán ê kiáⁿ孫聽ē-hiáu台語、gâu講台語、hèng讀台語文、koàn-sì寫台語文。

Lán ê先祖留lo̍h chōe-chōe ê台語文祖公媽產hō͘ lán，可惜chōe-chōe台語人受殖民教育thài久，soah m̄ 知lán有hiah-nī chōe珍貴ê白話字（台灣字）文獻chham漢字ê歌仔冊（歌仔簿）文本ài寶惜kap傳承。Lán hō͘文化殖民教育變做無過去ê「中國閩南語人」，kan-na看有目chiu前ê物件，lán kámchiaⁿ實有才調kiâⁿ出phong-phài ê未來？愛beh chiâⁿ做台語專業老師ê人，kám好意思繼續講，白話字kap歌仔冊ê文化資產lán人bōe-hiáu m̄ 知mā無要緊leh？到底是ka-kī看無、m̄ o̍ h，a̍h是chiaⁿ實無想beh繼承祖公祖媽送hō͘lán台語kiáⁿ孫ê文化遺產。無想beh做「台語文ê好gia̍ h人」，soah堅心beh做「台語文ê散hiong人」？
2020年5月初8行政院文化部ê文化資產局公告第2屆「台灣世界記憶國家名錄」，m̄ -nā有國立台灣文學館提報ê「台灣白話字文學及相關作品」，koh有台灣基督長老教會歷史檔案館提報ê「賴永祥長老史料庫」kap i hâm台南神學院、長榮中學聯合提報ê「南部基督長老教會在台灣傳教之歷史文獻之巴克禮相關文物」，che tùi台語白話字文獻ê研究kap推廣意義重大。
為beh幫chān師資培育生liōng早chiâⁿ做「好gia̍ h ê台語文老師」，lán chit本冊ê羅馬字khah chōe是採用在來ê白話字（台灣字），當然mā有kóa所在會用中華民國教育部2006年公佈ê「閩南語羅馬拼音方案」。阮chiâⁿ tah心，koh有tī冊ê頭前專工khǹg chi̍t份羅馬字對照表，相信愛beh chiâⁿ做優等giótohê台語文教師ê你，tiāⁿ-tio̍ h看有。
Jîn生是學習ê旅途，m̄ -kú，學問智識是o̍h bōe完--ê，lán kan-na ē-tàng「the̍ h真心來交換」。Lán tiō án-ni，繼續piàⁿ-sì栽培lán ka-kī，不時自我精進ê老師，tiāⁿ-tio̍ h是鼓勵學生骨力學習siōng好ê模樣。

試閱文字

內文 : 第一節　行向多語言教育
目前世界大約有5、6千種語言，220外个國家kap自治區，一个人ē-hiáu kúi-nā種語言是kài sù-siông ê代誌。為tio̍h挽救kiông-beh死ê語言危機，多語言環境中án-chóaⁿ保存母語避免受語言帝國主義吞食，是21世紀人類永久發展所tú著上大ê課題。
聯合國早就tī 1966年通過《公民與政治權利國際公約》第27條支持「使用自己的語言」是少數族群bē-tàng hō͘人剝削ê權利。1989年《兒童權利公約》第29條規定，教育兒童ê目的包括培養兒童ê文化認同、語言kap價值觀，1992年koh通過《少數族群的個人所屬民族或族裔、宗教kap語言的權利宣言》（Declaration on the Rights of Persons Belonging to National or Ethnic, Religious or Linguistic Minorities），同意尊重少數民族ê個人尊嚴，保障少數族群ê權利kap選擇ê自由。1996年《世界語言權宣言》呼籲tī公開場合有使用ka-tī語言、姓名ê權力；教in了解ka-tī ê語言kap文化ê權利；爭取文化設施ê權利；傳播媒體ē-ēng用ka-tī ê語言kap文化有平等表現ê機會等等ê語言權利。1999年教科文組織通過《多語教育》決議，具體建議學校ê正式教育內siâng-sî ài有母語、官方語言kap國際語言。2001年koh通過《世界文化多樣性宣言》（Universal Declaration on Cultural Diversity），強調對話多樣性，chiah是世界ê文化財富。多元化社會中，ài互相承認雙方無仝ê差異，促進異文化對話。自2005年到taⁿ，報告書一直ùi提昇經濟、教育成就ê角度切入，宣傳推廣實踐「多語言主義」（multilingualism）1ê優點。行向多語言教育是人類平等正義ê實踐、永久經營ê共同價值觀。
咱台灣，20世紀經過百外冬ê殖民式統治，前後2擺獨尊外來語言（日語、北京話）ê「國語政策」，致使台灣各族群母語lóng面臨消亡ê危機（黃宣範 1995，陳淑嬌 2007，陳麗君 2011，曹逢甫 2012，張學謙、蘇凰蘭2017）。中華民國侵佔台灣以後ê語言教育政策，專工針對台灣話施壓刣雞教猴，tī 1953、1955年查禁台中瑞成冊局、新竹竹林等冊局發行ê台語歌仔冊唱本9種，1956年「說國語運動」全面規定各機關、學校kap公共場所一律全面使用國語（北京話）以後ā台灣原住民南島語á-sī多數人口所講ê台灣話定位作低階方言。1976年代全球時行民主思想潮流，台灣政府soahkoh加強控制媒體傳播對台灣話使用ê限制，設「廣播電視法」第20條規定：「電台對國內廣播播音語言應以國語為主，方言應逐年減少⋯」。著名法國社會學者Bourdieu講kah tùi-tâng tùi-tâng，單一官方語言所統合ê「語言市場」是kap國家意識縛做伙--ê，教育體制是執行政治屠殺上重要ê工具機關。控制官方語言就ē-tàng lām-sám使用hō͘ in普遍化、正統化，透過考試kap學術資歷審查制度，保障教育體制等人員對語言規則ê順從，結合單一語言場利純（薪水kap利息收入、各種軍公教福利等）控制所有成員。
咱to̍h了解現代教育ê本質，m̄ -nā是國家beh提昇國民素養成做向上競爭ê資本，mā是統治者透過語言政策控制社會階級ê手段。
20世紀初帝國主義統治下，台灣人講台灣話ê發想chiah tú puh-íⁿ，kohhō͘ 其他現代國家國民教育體制thún-ta̍h，受盡風霜sûi落地。多族群多語言美麗島ê福爾摩沙語言多樣性流失ê程度，根據全國大學生語言使用調查結果，台灣客語族群kā母語當做第一語言ê kan-na 4.5%；連台灣上大族群告書一直ùi提昇經濟、教育成就ê角度切入，宣傳推廣實踐「多語言主義」（multilingualism）1ê優點。行向多語言教育是人類平等正義ê實踐、永久經營ê共同價值觀。
咱台灣，20世紀經過百外冬ê殖民式統治，前後2擺獨尊外來語言（日語、北京話）ê「國語政策」，致使台灣各族群母語lóng面臨消亡ê危機（黃宣範 1995，陳淑嬌 2007，陳麗君 2011，曹逢甫 2012，張學謙、蘇凰蘭2017）。中華民國侵佔台灣以後ê語言教育政策，專工針對台灣話施壓刣雞教猴，tī 1953、1955年查禁台中瑞成冊局、新竹竹林等冊局發行ê台語歌仔冊唱本92種，1956年「說國語運動」全面規定各機關、學校kap公共場所一律全面使用國語（北京話）以後，kā台灣原住民南島語á-sī多數人口所講ê台灣話定位作低階方言。1976年代全球時行民主思想潮流，台灣政府soahkoh加強控制媒體傳播對台灣話使用ê限制，設「廣播電視法」第20條規定：「電台對國內廣播播音語言應以國語為主，方言應逐年減少⋯」。著名法國社會學者Bourdieu講kah tùi-tâng tùi-tâng，單一官方語言所統合ê「語言市場」是kap國家意識縛做伙--ê，教育體制是執行政治屠殺上重要ê工具機關。控制官方語言就ē-tàng lām-sám使用hō͘ in普遍化、正統化，透過考試kap學術資歷審查制度，保障教育體制等人員對語言規則ê順從，結合單一語言市場利純（薪水kap利息收入、各種軍公教福利等）控制所有成員。咱to̍h了解現代教育ê本質，m̄ -nā是國家beh提昇國民素養成做向上競爭ê資本，mā是統治者透過語言政策控制社會階級ê手段。
20世紀初帝國主義統治下，台灣人講台灣話ê發想chiah tú puh-íⁿ，kohhō͘ 其他現代國家國民教育體制thún-ta̍h，受盡風霜sûi落地。多族群多語言美麗島ê福爾摩沙語言多樣性流失ê程度，根據全國大學生語言使用調查結果，台灣客語族群kā母語當做第一語言ê kan-na 4.5%；連台灣上大族群77% ê福佬人kā母語當做第一語言ê就無到4成，原住民語族是0%（陳麗君2011）。聯合國教科文組織（2010）發行《世界瀕危語言地圖》有清楚定義講：一種語言若無傳hō͘少年輩，就ē面對消亡ê危機。若照台灣目前ê狀況繼續行--落-去，除了官方語言以外，其他所有ê語言lóng ē tī本世紀（21）滅絕。
Taⁿ台灣民主化有成，sui-bóng語言教育猶無轉型正義，台灣語文運動先行推sak有成，「國家語言發展法」tī 2018年12月25通過，明定保障台灣各固有族群ê自然語言kap台灣手語ê傳承、復振kap發展，尊重本國語言文化多樣性。根據發展法第18條規定，教育部國教署應該tī十二年國民教育各階段，kā國家語言列做部定課程，對111學年開始實施。咱期待台灣多族群多語言教育ē-tàng ùi chia開始有新ê局勢。
-----------------
1 多語主義是leh講個人運用數種語言或者是講一个地理區域有無仝語言族群多元共存ê現象，主張ài教導學習多種語言thèng好添加發展。

最佳賣點

最佳賣點 : 這本書是全世界第一本《中學台語文教材教法》專著，內容針對教育部2022年的中學台語課綱來設計，由國立台中教育大學人文學院台灣語文學系「中等學校本土語文（台語文）教材教法」共學實踐社群委員及助理群共同創思與撰寫而成。首要任務在於服務當前大學之中等學校台語文專長的師資培育生；並為2022學年度開始...