台南詩行 | 誠品線上

台南詩行

內容簡介

內容簡介 和台南做伙喘氣，用兩肢跤， 一步一步行出一本台南款ê詩集…… 以駐市藝術行動漫遊台南，詩人陳胤沉浸在府城巷弄間，放慢速度和城市一同呼吸，體驗自在閒適的日常，凝視府城深厚的歷史。從個人抒情到家國想像，開展一趟重新認識台南、深入自我靈魂的母語詩行旅。 本詩集分四卷，收錄56首台南駐市詩作，透過詩語言紀錄府城生活的點滴所感，並以府城地景進行「影像詩」創作，在與城市景點角落偶然的互動與靈感浮現的瞬間，寫下深度旅遊的心靈風景。用台語的氣口，呈現原汁原味的「台南款」。 ◎本詩集榮獲國藝會出版獎助

作者介紹

作者介紹 陳胤本名陳利成，彰化縣永靖鄉人。淡江大學中文系畢業。曾任國、高中教師，目前為柳河文化工作室負責人，專事藝文創作。著有台語詩集《戀歌》、《月光》、《台南詩行》；華語詩集《流螢》、《島嶼凝視》、《青春浮雕》、《詩的旅行》、《聆聽寂靜》；散文《半線心情》、《悲歡歲月》、《放牛老師手札》、《咖啡．咖啡》、《經口之春》、《鳥的旅行》；拼貼創作《秋末冬初》；長篇小說《狗臉歲月》等書。作品曾獲吳濁流文學獎新詩正獎、鍾肇政文學獎、台灣閩客語文學獎、時報文學獎等數十獎項。詩作，多次獲國家文化藝術基金會創作與出版獎助，並入選國內外重要詩選。2014 2015年曾舉辦《愛的進行曲》台語詩畫個展。目前極力關注台灣母語與生態議題。 陳胤的文學部落 blog.udn.com inriver article

產品目錄

產品目錄 尋覓詩的偶然 詩集簡介 主編的話 鄭清鴻 代話頭 台南，當時行 陳胤 第一卷 假影，一个文學家 假影，一个文學家 詩行過大南門 南寧街頭ê笑容 渡鳥飛過，雲海冊店 斡角，台灣詩路 城南舊城，出日 血開，鳳凰花 Gâu早！聖若瑟天主堂 天公廟賣金ê阿婆 71巷ê夜鷹 台南好款 南寧文學．家 是恁爸！林百貨⋯⋯ 愛國婦人館你咧創啥物 曝藍圖ê詩 第二卷 噴射機teh眠夢 噴射機teh眠夢 伯勞歇tī開山王廟 巴克禮ê五月天 Tī台南孔廟kā孔子公考試 月娘，酸甘甜⋯⋯ 目睭 鹽 同窗 透心涼ê光批 哀祭，草祭冊店 夕遊出張所，出張 光復延平老街 行tī漁光島ê海岸 日落之塔 警告中國加鴒 抑是 寫詩，度小月 第三卷 國立ê詩，落雨 國立ê詩，落雨 光影交插ê眠夢 阮兜後埕有天使ê歌聲 過敏 媽祖tī林默娘公園放風吹 億載金城ê目睭 安平樹屋，有影無影 東興洋行hit下晡 風神廟展風神 神農街著愛用牽ê 海安路，乾杯 風吹公會堂 南女中hit欉金龜樹 舌ê聲嗽 禮拜，台南公園ê雨豆樹 有影，知事官邸 第四卷 未來 未來 恬靜 記持 孤單 散步 友志 話尾 日子 陳胤 台語羅馬字拼音方案 陳胤文學年表

商品規格

最佳賣點

最佳賣點 : 和台南做伙喘氣，用兩肢跤，
一步一步行出一本台南款ê詩集……

試閱文字

導讀 : 詩集簡介
尋覓詩的偶然

詩，是一種偶然；人也是。
本詩集，不只是詩集，而是周密的跨界藝術創作計畫，也可說是個藝術行動，或行動詩。源於「南寧文學•家」的駐市作家申請，擬定以台南大多數人的母語—台語，作為詩創作的語言，以府城作為取材中心，藉由徒步、單車做沉浸式的漫遊，用意在放慢速度，讓靈魂進到時間根柢，緩緩自在地從日常生活中擠出詩的原汁，至於詩題，沒任何一首是事先定死，全交給與府城互動的偶然。每次神領意會的偶然，都是創作無可取代的靈魂。再者，刻意將詩作以手寫方式，寫在台南在地藝術家凃妙沂的筆記書上，其中，隨心境或有塗鴉繪畫，創作計畫完成後，此筆記就是現成的筆記書（詩），這是一種再創作，也是府城永遠無可取代的歷史文件與記憶。對創作者，對台南，都是唯一。
本詩集，包括其中一首組詩，共56首，分成4卷。是以寫作時間順序編排而成，於此，亦可視為一種府城詩生活的日誌。而每首詩後，都附上一首「影像詩」，全以府城地景作為視覺創作圖像的藍本，另，其中除了組詩留白外，其餘各配上一首4行截句小詩，擴大藝術的疆界，讓原本的詩有不同風貌與意象，因此，詩作總數應為112首。這些台南款的詩，在作品完成後已脫離作者而獨立，各自在府城街巷款款而行，可做為台南深度旅遊的心靈風景。
本詩集的書寫，採漢羅混寫方式，以漢字為主，羅馬字為輔。漢字以教育部頒布的「台灣閩南語推薦用字」為主，羅馬字則用教育部頒訂的「台灣羅馬字拼音系統」，其中輕聲的符號，沒特別再標示，視為變調的一環。而在敘述上，盡量以簡明口語行文，並於文後附有台華文註解，稍諳台語者，都能輕鬆進入詩的天地。
本詩集，獲2018年國家文化藝術基金會出版補助。創作者作品，曾獲吳濁流文學獎新詩正獎、鍾肇政文學獎、時報文學獎等數十獎項。詩作，多次獲國家文化藝術基金會創作與出版獎助，並入選國內外重要詩選。台語作品，2014 年入圍台灣文學台語新詩金典獎，曾四度獲台南文學獎、六度獲台灣閩客語文學獎、六度獲打狗鳳邑文學獎。2018年，台語詩集《月光》獲文化部中小學優良文學讀本，台語歌詞〈永靖枝仔冰〉，亦獲教育部地方特色歌詞比賽優等，創作者文學功力與努力，有客觀的肯定。

試閱文字

推薦序 : 推薦序
母語kap台南ê行踏，伊並無孤單
／鄭清鴻

因為編輯《月光》ê因緣初熟似陳胤，但是讀著伊ê詩進前，我對伊上深ê印象，是伊一身「文學浪人」ê形貌kap氣質，以及tī地方縣市各級文學獎活跳，毋但跨文類，而且華語、台語攏有表現ê一位多產文學家。
Tī出版寒冬ê時代，文學，或者所有ê人文藝術，早就是這世間ê艱難路途，欲成做一个文學家、藝術家，若無主要ê事業，毋知愛付出、犧牲外濟（或者愛tī這个過勞時代，成做「斜槓」青、中年）。就免講咱命運坎坷ê母語文學，經過戰前、戰後兩擺國語運動ê打壓，一直攏是非主流ê邊陲文類，koh三不五時予人用「鄉土文學」敲油、收編、檢討、「被霸權」、「被沙文主義」。面對捌字ê母語文盲閱讀市場，若文學本身艱難，投入母語文學是愛需要外大ê覺悟kap堅持？我只有敬佩，毋敢思量。
我那讀詩，那對作品附錄ê年表來對陳胤有所認捌，才會當深深體會這款漂浪氣質背後ê，時代ê詩意。伊ê性命有一種反骨ê根底，伊ê青春，koh拄好是台灣社會進入民主化，解嚴前後政治運動當leh起大風湧ê時陣，好親像五冬前ê三一八運動，佇立法院外口靜坐等待天光、予警察用棍仔「拍肩」、用強力水槍噴水，對政治失望但是毋捌絕望ê少年。使人怨嘆ê是，毋管是1960年代抑是1980年代出世，佇虛幻ê中華民國想像kap殘存無死ê黨國威權政治ê面頭前，街頭ê反抗經驗是跨世代ê工課，毋知敢看會著無仝款ê運命？
對社會運動進入到學校內底，對教育現場ê種種觀察kap體會，以及對本土語文流失ê現狀，陳胤攏有一種對現實不滿ê批判，對强權不服ê抵抗。毋過，伊ê力頭khah毋是大聲姦撟彼種，雖罔白話直接ê批判是加減攏有，不過，大部分是對現實幽微ê所在，暗暗、堅定磨出一支針，不意中揻一下，揻kah予人會疼，而且干焦用一支針，就予惡人惡權毋敢向前koh踏一步ê氣魄。但是詩人是比任何人koh khah毋甘、不捨這世間，讀者ê疼，是不比詩人經歷種種觀察kap思考所體會著ê彼種疼，詩人用上大ê溫柔替咱承擔。
這款對世間ê溫柔關懷，敢是詩人對愛情ê向望當中所pū出來ê性格？對《戀歌》、《月光》，以及這本詩集《台南詩行》當中，咱攏會當看著詩人對愛情無停歇ê走揣。譬論講，tī〈光復延平老街〉這首詩ê上尾寫著：「是講，我ê愛情／哪無做伙光復？」詩人用（相對伊家己ê史觀來講是）「政治不正確」ê「光復」這个動詞來呼叫愛情，看來是有淡薄仔剾洗家己ê意思，但是詩人這陣甘願暫時用史觀kap立場，來換一段對愛情ê思戀kap期待，「揣著伊進前，將所有ê愛，hōo這个世界；揣著伊了後，kā全世界ê愛，攏hōo伊⋯⋯」詩人將失落ê愛情抽替做對全世界ê關心，活tī世界ê同時，就是一場無限ê等待、守護，對時間ê包容──《月光》已經將詩人個人kap世界之間ê連結定案， tī《台南詩行》ê書寫當中繼續激一甕詩ê好酒。
透過駐市作家ê機會，陳胤佇府城台南完成這本新詩集。詩人kap城市ê性格是真四配，輕鬆閒散ê古都，詩人用溫柔ê目神tshuā讀者寬寬仔散步。所有ê感情，對人、物kap都市ê互動當中生湠出來，有觀光熱點、百年古蹟，也有詩人隨意行踏ê街路風景，一个身影，就是一段人生。所有ê認同，攏刻tī古都經歷四百外冬風霜ê面容頂頭，遠遠ê是歷史，關係著一个猶未出世ê新國家ê線索；近近ê是故事，一寡猶未放袂記、毋通放袂記ê人，tī台南。
這本詩集，用一百冬猶未停歇ê母語ê意志，六十工ê府城日記，一位詩人ê心事來kap你交陪。雖罔小可寂寞，但是伊並無孤單，對世間有情、對愛無後悔ê靈魂，攏毋是一个人。

試閱文字

內文 : 假影，一个文學家

又koh來台南矣
Tī春天ê尾溜
孵一粒，少年美夢
連皺痕，都皺kah起天真
夜鷹，teh偷笑
笑破烏暗ê暝
真正有光，閃爍
巷仔內ê燈火
恬靜kah若像天星

有影，遮
是一个眠夢ê好所在
我ê詩，鋏一雙淺拖仔
揹一kha破冊包，長頭鬃
假影做一个性格ê 文學家
拖咧拖咧，就雄雄
Kā規台火車拖落南⋯⋯

有一款老青春
號做府城，bē老
日子，安安靜靜
嘛是一條歌
清爽ê風
定著愛開一罐麥仔酒
Kap伊乾杯，下暗窗外
免注文，拄好
和家己，談情說愛

＊＊＊

是恁爸！林百貨……

你kám看過詩
留長頭毛？
小借問一下⋯⋯

我寬寬仔，和黃昏ê日頭
做伙peh起哩日本時代
五層樓仔，每一層
攏無閒teh講家己ê故事
照講，誠吵才著
無疑悟，suah恬靜kah
若親像一張烏白相片

時間，堅凍矣
鎖咧玻璃櫥仔內面
記持，是有淡薄仔生鉎
毋過，哪有一款幸福ê滋味
講bē出喙？

遐，妖嬌美麗ê柴窗仔
媠kah不答不七
不時咧kap光線風騷
跳青春ê探戈

上頂層，倚神上近ê所在
有銃子掃過ê跤跡
戰爭，一蕊一蕊
酷刑ê目睭，金金teh看

古早ê時鐘
猶原吊tī壁頂
滴答！若親像tī後壁
Teh叫我：

小姐！
借過一下，kám好？

＊＊＊

哀祭，草祭冊店

輕輕仔，kā伊掀開
驚伊疼，驚伊受風寒
敏感ê皮膚，猶原
有千萬年ê聲嗽，kap故事
冊逐頁，攏是樹仔ê屍體
濟濟毋甘ê目睭，hōo 伊
Koh再重生，復活⋯⋯

有當時仔，遐
Teh留戀徘徊ê魂魄
Tī遮相拄頭
抑是，相閃身
一寡仔好心ê目屎
Kap笑容，無張持就流落來
Kā伊沃kah發新穎，直直大
就按呢，千千萬萬ê冊頁
沓沓仔kā複雜ê心情
疊做一間古錐ê 舊樓仔厝

Hit工中晝，我當咧摸飛ê目神
騎鐵馬，輾過伊ê身軀
無疑悟，suah看著hit欉透天ê大樹
一肢koh一肢ê手骨
一葉koh一葉ê心
攏teh落雨，墜落⋯⋯

無錯！無藥好醫矣
我輕輕仔，kā冊合起來
Tī靈魂上悲傷ê所在
插一枝茉草，哀念
雄雄，一陣淒涼ê風
吹過規條南門路ê熱天