啼印: 台語文集 | 誠品線上

啼印: 台語文集

內容簡介

內容簡介 這本冊內面分做4个單元。 第一單元「阿母的跤印」，每一首詩攏只有3逝。一个深思的體會，用上少的語言來表達。初踏入母語的文字的世界，予家己上簡單的練習，同時，3逝，嘛是邀請初學者，進入母語語境的橋樑。 第二單元「旅途」，詩有長有短，有發表佇雜誌的，嘛有比賽著等的。我佮意用心看世界，看身軀邊的事物，感動人的，予心溫暖的，攏是我採集的內容。 第三單元「桃仔佮阿媽」，這是上放鬆、上趣味的內容。4歲的孫仔愛畫圖，阿媽愛寫詩，兩个人一南一北，用按呢咧跋感情。 第四單元「月娘的曲盤」，寫親情寫厝邊，寫絚絚挽牢佇記持的物件。遐的故事，像月娘守佇故鄉，無暝無日咧唱歌。 【名家推薦】 《啼印》是月鳳的第一本台語文集，毋過寫作手路無成生跤數。文字真端的，用詞充滿感情和溫度，文章結構的處理真成熟。 ──方耀乾（台中教育大學台語文學系特聘教授） 讀《啼印》，會當體會到台語文的媠氣和優雅，予人無限的想像，若像啉茶仝款，有回甘的喉韻。 ──黃良成（台南市台語文化班學會理事長） 《啼印》啼聲清朗含藏精緻音。〈啼印〉這首帶著政治味的社會詩，許多文字仍能寫得詩情美麗，足見作者善用各種譬喻修辭的敏銳想像力。 ──林央敏（火金姑台語文學基金掌管）

作者介紹

作者介紹 翁月鳳【作者簡介】翁月鳳1965年生，台南人。高職夜補畢業。一个冊讀無懸，愛做夢的阿媽。有著過幾个仔文學獎。現任：第一屆臺南市台語文化班學會監事。黃淽瀅【小插畫家簡介】黃淽瀅（桃仔）今年6歲矣，蹛台北，是一个愛畫圖的查某囡仔。

產品目錄

產品目錄 大格雞慢啼：序翁月鳳《啼印》 方耀乾 發現桃花源新地～月鳳新冊題序 黃良成 啼聲清朗含藏精緻音～ 小序翁月鳳詩文集《啼印》 林央敏 第一單元 阿母的跤印 01.風吹 02.手指 03.露螺 04.紅包 05.秒針 06.氣話 07.武漢 08.新冠病毒 09.喙罨 10.隔離 11.出芽 12.鏡 13.思念 14.樹影 15.暝 16.造話 17.欲望 18.日出 19.金剛經 20.救護車出勤 21.日誌 22.虹 23.原諒 24.劇本 25.貪 26.笑容 27.閃電 28.蛇 29.囚 30.剷草 31.告別式 第二單元 旅途 32.收音機 33.夕陽 34.傷 35.失算 36.看伊寫的故事 37.阿里山咧唱育囡仔歌 38.毋通認輸 39.彼首點播的歌 40.初八彼一工 41.風颱 42.風咧吹 43.望 44.愛是勇氣的後頭厝 45.啼印 46.一蕊月光花 47.王徵吉—掛號 48.行入阿里山詩路 49.來去紫竹寺 50.回甘 第三單元 桃仔佮阿媽 01.散步 02.我的花園 03.溫柔的風 04.看無半隻 05.綴無著逝 06.球 07.迷 08.娘心 09.天清清 10.赤查某仔 11.元宵暝 12.生日卡片 13.一塊俗pháng 14.悶悶 15.我愛阿母 16.念念 17.思念入夢 18.臆畫 19.先見之明 20.砧 第四單元 月娘的曲盤 01.記持的剪綹仔 02.秋天的過路客 03.陪你向前行 04.有人叫我阿妹仔 05.考試心得 〔附錄〕翁月鳳作品著獎、發表記錄

商品規格

試閱文字

內文 : 大格雞慢啼：序翁月鳳的《啼印》

方耀乾
（國立台中教育大學台語文學系特聘教授，前系主任）


　　第一擺拄著月鳳應該是佇1999年，第六屆南瀛文學獎的頒獎典禮。彼時伊得著散文佳作，我得著詩類新人獎（規本台語詩集），毋過，阮無相借問，也無相捌。20冬後，我才漸漸聽著有一个作家叫做翁月鳳，用台語寫作，寫了袂䆀，閣定定著文學獎。這馬回想起來，若親像捌佇佗位佮伊見過面。果然無錯，是佇第六屆南瀛文學獎的頒獎典禮。2022年3月17日，伊透過Messenger講欲央我寫序，伊講欲將這幾冬寫的台語作品聚集做一本冊出版。我聽著真歡喜，真有緣分，就答應。共伊講：「先恭喜妳欲出冊。我最近足無閒，有困難。若寫短短仔，一頁，勉強會使。好無？」伊回講：「按呢足好啊，我的冊猶咧整理無遐快。」就按呢搭起這个緣分。
　　《啼印》雖罔是月鳳的第一本台語文集，毋過寫作手路無成生跤數。文字真端的，用詞充滿著感情和溫度，文章結構的處理真成熟。這本文集是詩和散文的合輯。主題主要是箍佇伊的生活和生活中的感觸和感動。第一輯是3逝詩，第二輯是現代詩，第三輯是伊的孫仔畫的圖和伊的配詩，第四輯是5 篇散文。
　　其中得著第七屆台文戰線文學獎台語現代詩頭等〈望〉寫了真出擢閣引人深思。書寫一位佇安養中心的老母，等無伊的囡仔來共看，彼種失落的心神，寫了真感人：

數念就是一枝鋤頭／仙掘攏掘無囝喝阿母的聲／眠床是我的船／目若瞌就出海／掖早前網未來／祈求平安，無風無湧／今仔日的我，已經／泅袂轉去昨昏的咱／厝內的鼎灶埕斗的日頭／熟似的厝邊兜／有發翼的攏放予伊去飛／想欲問風一句話：／兩蕊冬節的目睭，敢換有一粒中秋的月？

　　另一首是臺灣文學獎創作獎入圍的〈啼印〉，真有人情味，書寫小卒仔反抗大海翁的故事。這首詩的故事是來自2019年法國奧萊隆島（Oléron）村莊聖皮耶爾多萊隆（Saint-Pierre-d’Oléron）一件罕見的相告案件。根據《CNN》報導，有住戶講菲索（Corinne Fesseau）飼的一隻雞公莫里斯（Maurice）下早仔的啼叫聲實在是傷吵，因此起意欲告莫里斯，要求菲索予雞公安靜莫閣啼叫。佇雙方無共識之下，住戶指控莫里斯造成噪音污染，將伊告上法院。菲索為此展開抗爭，強調雞公是法國的象徵之一，而且是城鄉差距的代表性存在，所以你若到庄跤蹛就必須愛容忍雞啼，「我想欲保護法國所有的雞公」。菲索的舉動得著大力支持，大約有12萬人幫伊簽署網路連署書，希望莫里斯平安無事。菲索代表莫里斯出庭的時，現場閣有幾偌位帶雞公來支持。聖皮耶爾多萊隆鎮長蘇爾（Christophe Sueur）表示，農村的傳統聲音應該得著保護，「在這裡，我們可以聽到斑鳩的歌聲、海鷗的啼叫、拖拉機的轟轟聲，這也是我們島嶼美麗的原因。聲音非常重要，它是我們景觀魅力的一部分」：

雞啼，天欲光的通知／就可比春天覕花蕊／可比種子出芽殼弓開／攏是天地咧喘氣／日頭將跤步寄佇雞的喉管內／每一个透早，叫作穡人好起床／叫醒田園的翠綠，叫醒門窗的透明／雞啼，是鄉村上挑俍的標誌／山還山，溪還溪／自重是界址／一種失敗，號做欲望的褪殼／拗蠻的意志，袂堪得變大／一種勝利，號做傷痕的歡喜／揹十字架的尻脊／榮耀，一稜一稜／新制定的法律／保護了鄉村各種動物的聲音，包含氣味／保護了都市化對鄉村的威脅／被告變英雄，彼隻雞／有赤紅的雞髻，正義的聲腹／啼聲迵國際／樸實的鄉村／團結的村民，予聲音的景觀更加
珍貴／有溫度的法律／像母愛。

　　這聲《啼印》是翁月鳳正義的呼聲，伊欲用台語講出台語是咱島嶼美麗的原因，是咱景觀魅力的一部分。
—2022.07.30，台南永康

01　風吹（台文）

講阮風梯拄天猶嫌低
講阮欲望無邊跤尾直直躡
空中的傀儡　手中飛
—2020.6《台客詩刊》第21 期

風箏（華文）

說我 風梯抵天仍嫌低
說我 欲求無邊直踮腳
空中的傀儡呀！手中飛

/////////////////////////

02　手指（台文）

千金萬銀難換璇石心
問幸福：五指山跤的咒誓
敢是愛情的圈套？
—2020.6《台客詩刊》第21 期

戒指（華文）

千金萬銀難換鑽石心
問幸福：五指山下的誓言
是否，是愛情的圈套？

/////////////////////////

03　露螺（台文）

一滴月娘的目屎做厝徛
欲閃鄉愁使雄勢
套房坦敧變夯枷
—2020.6《台客詩刊》第21 期

蝸牛（華文）

一滴月兒的眼淚當家倚
急閃鄉愁
小窩傾成項上枷

/////////////////////////

04　紅包（台文）

二九暝收著的批信
有強光
照佇面反射出歡喜

紅包（華文）

除夕夜收到的信
有強光
照在臉上反射出高興

/////////////////////////

05　秒針（台文）

穿懸屐仔
踮時間的尻脊陵蹔跤步
驕傲的跤

秒針（華文）

穿高跟鞋
在時間的脊背上踩步伐
驕傲的腳

/////////////////////////

32　收音機（台文）

彼个阿伯有一个伴
Gâu講話愛唸歌常在黏踮伊的手盤
燒烙伊的心肝予目尾牽電線

彼个伴
親像是一條快樂的溪
滿載日頭的祝福
流迵過寂寞佮孤單 飛出
春天

彼个伴，古錐古錐
毋是媠姑娘仔嘛毋是貓咪
是一个舞台
人生的戲齣對遐過
是一間時間的當店
用耳空會當贖輕鬆

看著阿伯又閣文文仔笑矣
敢是有人當咧對伊講笑詼？
敢是幸福予伊扲咧手內底？
—2021.3《臺江臺語文學》第37期

收音機（華文）

那個阿伯有個伴
說話了得會唱歌時常黏在他的手心裡
溫暖他的心讓他的眼尾牽電線

那個伴
像快樂的小溪，載滿陽光的祝福
流過寂寞與孤單 飛出
春天

那個伴，玲瓏可愛
不是嬌俏的小姑娘也不是傻貓咪
是個舞台
人生的戲劇打那兒過
是時間的當舖
典當耳朵可以贖回輕鬆

看那阿伯又微微地笑了
是不是有人正對著他說笑？
是不是幸福被他握在手心裡？

/////////////////////////

33　夕陽（台文）

黃昏的天壁
敢若佗跡有破空？
光影漸漸變換
用流失坐清美麗

彼粒時間種作的椪柑
已經到分頕落來
伸手欲共挽
隨鼢落海底藏
辭枝的蒂頭
煞㧎佇我的思念
—2020.5《海翁台語文學》第221 期

夕陽（華文）

黃昏的天壁
彷彿哪兒有破洞？
光影緩緩地變換
用流失沉澱美麗

那顆時間栽種的柑橘
已熟透低垂
想伸手摘取
卻瞬間鑽入海底
留下的果蒂
恰巧懸掛在我的思念

/////////////////////////

45　啼印（台文）

一隻雞，對新聞飛出來
海湧的聲，綴咧溢出美麗的海墘……

拍開聲音的地圖
行入鄉村的景緻
大海彼爿，黃昏的日頭若跋落海
海鳥會喝咻叫人來
庄頭這爿，樹蔭若伸勻
樹椏頂的斑鴿會放送報人知
教堂的鐘霆出來的虔誠，風上愛牽長長
暗頭仔猶有田蛤仔叫歌伴月光⋯⋯
鄉村接連的聲線
量出恬靜，有雙倍的腰圍
這款清幽，黏佇雲的衫仔裾尾
飛去勾著市內人的鞋
鄉村早起的空氣，甜甜
鄉村早起的雞啼，是光的奏鳴曲
城市搬來的厝邊聽袂慣勢
講雞啼是坱埃咧霆雷—噪人耳
無仝調的鞋踏破日子
貓霧仔光的天，有火星咧爍
雞一啼，點著一个官司
紅記記

這是日常被拍斷的一工
心情沉重的時刻
對立的氣氛充滿法庭
城市對鄉村，烏仁拄白仁
生活方式的衝突掩揜尊重的去向
價值的認定，一丈差九尺
法庭外的憤慨，滾滾連連
村民抗議鄉村的權利被侵犯被𧿬踏
抗議外來的耳，𪁎趒
欲閹割雞的喙
雞啼，天欲光的通知
就可比春天覕花蕊
可比種子出芽殼弓開
攏是天地咧喘氣
日頭將跤步寄佇雞的喉管內
每一个透早，叫作穡人好起床
叫醒田園的翠綠，叫醒門窗的透明
雞啼，是鄉村上挑俍的標誌
山還山，溪還溪
自重是界址
一種失敗，號做欲望的褪殼
拗蠻的意志，袂堪得變大
一種勝利，號做傷痕的歡喜
揹十字架的尻脊
榮耀，一稜一稜

新制定的法律
保護了鄉村各種動物的聲音，包含氣味
保護了都市化對鄉村的威脅
被告變英雄，彼隻雞
有赤紅的雞髻，正義的聲腹
啼聲迵國際
樸實的鄉村
團結的村民，予聲音的景觀更加珍貴
有溫度的法律
像母愛

啼印（華文）

一隻雞，從新聞飛出來
緊跟著，潮聲送來美麗的沙灘……

打開聲音的地圖
走進鄉村的景緻
海的那一邊，黃昏的夕陽若跌沉入海
海鷗，會鳴叫著呼救
鄉村這頭，樹蔭若伸縮
樹枝上的斑鳩會放送廣播
教堂的鐘聲敲出的虔誠，風最愛拉長
傍晚還有那陪伴著月光的哇唱
鄉村接連的聲線
量出靜，有雙倍的腰圍
這幽靜的氛圍，黏在雲的衣袖
飛去勾住了城市裡人們的鞋

鄉村早晨的空氣，是甜的
鄉村晨間的雞啼，是光的奏鳴曲
城裡搬來的鄰居聽不慣
說雞啼是塵埃在打雷—吵死人
不同步調的鞋踩破了日子
天將亮的天空，有星火在閃耀
雞一打鳴，點燃一個官司
紅通通

這是尋常的日子被打斷的一天
心情沉重的時刻
對立的氣氛充斥在法庭上
城市對鄉村，怒目相視
生活方式的衝突隱蔽了尊重的去向
價值的認知懸殊
法庭外的憤怒不平，排山倒海
鄉村的居民抗議他們的權利被侵犯踐踏
抗議那侵犯踐踏者的耳，無理的躁動
想閹割雞的嘴

雞啼，是天亮的通知
就像那春天躲在花朵裡
就像那種子將殼頂開
都是天地呼吸的聲息
太陽將腳步寄放在雞的喉管裡
每個早晨，叫農夫起床
喚醒田裡的翠綠，喚醒門窗的透明
雞啼，是鄉村最明朗的標誌
山歸山，溪歸溪
自重是界限
有種失敗，叫做欲望的褪皮
蠻橫的意志，禁不起變大
有種勝利，叫傷痕的歡喜
揹十字架的脊背
榮耀，血痕一行又一行

新制定的法律
保護了鄉村各種動物的聲音，包含氣味
保護了鄉村都市化的威脅
被告變英雄，那隻雞
有鮮紅的雞冠，正義的嗓音
啼聲在國際間迴蕩

樸實的鄉村
團結的村民，讓聲音的景觀更加的珍貴
有溫度的法律
像母愛

最佳賣點

最佳賣點 : 《啼印》是月鳳的第一本台語文集，毋過寫作手路無成生跤數。文字真端的，用詞充滿感情和溫度，文章結構的處理真成熟。