靈魂个故鄉: 邱一帆客語詩歌文集 | 誠品線上

靈魂个故鄉: 邱一帆客語詩歌文集

內容簡介

內容簡介 《靈魂个故鄉：邱一帆客語詩歌文集》係台灣知名个後生客語詩人阿帆牯，2017年從事客語詩歌書寫，彙集而成的第二本詩歌結晶。本書總共收錄93首客語詩歌作品，細膩地呈現作者的在地生活經驗和阿帆牯豐沛的情感，對於客家生活與文化的描寫具體、真切、感人，充分表現客家鮮活的意象。 雖然自1988年12月台灣客家人發起「還我母語」運動迄今已足足30年了；官方也在客家人「感恩戴德」下，於2001年成立了「行政院客家委員會」(2012年更名為「客家委員會」)，然而二、三十年來，不論在「客家母語」說與寫的推動上，或「客家文化」的認知與建構上，始終還是像「靈魂个故鄉」完全共樣，只有在「萬一」，亦係「意外」的情況下，經由深層的反思與落實實踐，才得以零零落落的尋覓到客家語言與客家文化个「靈魂故鄉」。 本書分別從「地景」、「植物」、「動物」、「人物、」「神祇」五輯，內涵傳統詩、舊山歌與客家歌謠的旋律，捕捉現代詩歌的音樂性與意象性，呈現詩人對於詩歌、客語和人生的關懷。期望本書的出版，除了能激發關心(或熱愛)在地情感、生命與客家母語的讀者之性靈外，亦能多少對推動客語詩文學教學同研究，培養更多愛戀土地、愛戀客話的客家詩人、作家，有所助益。

作者介紹

作者介紹 ■作者簡介邱一帆係苗栗縣南庄鄉人，畢業於新竹教育大學台語所客語組，目前在苗栗南庄國小教書、合力創刊《文學客家》。從1994年開始，在客語文學个創作、研究、教學領域持續耕耘，不斷發表，希望客語文學在台灣文學个園地開花結果，分大家欣賞、肯定客語文學。作品識得過苗栗縣夢花文學獎、李江卻台語文學獎、教育部客語文學獎等，作品選入《收冬戲－客家詩與歌交會的慶典》、《客委會－臺灣客家文學選集Ⅰ》、《教育部－台灣客家語朗讀文章選輯》、「國立台灣文學館－母語文學常設展」等。出版有客語詩集《有影》、《田螺》、《油桐花下个思念》、《山肚个暗夜》、《阿姆个心事》、《長流水：邱一帆客家散文集》；論述《族群．語言．文學》、《詩人．語言．文學》。追求客語文學个藝術化，追求客家文學論文个客語化，係佢個人從事客家語文學創作、研究个心得，也係其堅持个理想。

產品目錄

產品目錄 序言地景篇 前世．今生．十三間朝思日想 禾田，媽祖 睡在山肚个搖床頂 公園項个長凳頂 老街 臺北夜雨 水沖十分 大溪老街地景 竹北高鐵車頭 六寮古道－山排田 六寮古道－茶寮 正月南庄 南庄行春看櫻花 Va-lay，南庄 神仙谷 康濟吊橋 夜景 前世．今生．十三間 茶園坪 靚靚个河壩 加里山下个約定 山腳下个日本宿舍 崎頂，過窿 魚藤坪斷橋 三叉河个光 好望角 達娜伊谷 十鼓文化園區 愛河个暗晡頭 八仙洞 多良車頭前个思愐 雙心石滬 莫企在吾風水前噭眵 植物篇 ．老楓香个愐想老楓香个愐想 老楓樹下个秋天 操場脣个老楓樹 開容笑面 南庄櫻桃 蕃薯跈葉愐起 番薯 種蕃薯 舊草嶺騎自行車過窿 山芙蓉花開个時節 吊菜仔 在野 朳仔花 苦楝花舞 沙蔗仔 芒花 承水 動物篇 ．臺灣烏熊臺灣烏熊 山摎田 白鶴仔 禾田，鴨仔 大水蟻 花摎糖蜂仔 在，哪位 阿啾箭 烏龜怪方蟹 五月，夜鷹 寒天，該條貓仔 蟬鳴‧山歌 蟻公人生 蜂蟲 糟嫲 人物篇． 切著餔娘个心焦切著餔娘个心焦 胞衣跡 聽講，毋使問過 工夫茶箍 手術室內外 阿姆 阿姆个惜 懷念徐伯伯 背鑊个老伯姆 一間教室 摘茶班 勇士同鐵漢之路 挨礱披波 鬍鬚莊 客家貢獻獎－寫分7年終身成就獎 神祇篇 ．紅霞照出一尊媽祖婆紅霞照出一尊媽祖婆 伯公生 十殿閻王 之一 十殿閻王 之二 十殿閻王 之三 仙丹妙藥 發夢－分鬼矺著 靈魂，在哪位 靈魂个故鄉 靈魂．遊野 發夢 輪迴－巴斯達隘 聖筊

商品規格

最佳賣點

最佳賣點 : 《靈魂个故鄉：邱一帆客語詩歌文集》係台灣知名个後生客語詩人阿帆牯，2017年從事客語詩歌書寫，彙集而成的第二本詩歌結晶。本書總共收錄93首客語詩歌作品，細膩地呈現作者的在地生活經驗和阿帆牯豐沛的情感，對於客家生活與文化的描寫具體、真切、感人，充分表現客家鮮活的意象。

試閱文字

推薦序 : 序言

2016年年初，聽著一個當好个朋友長輩，無講無通知，就恁仰恬恬仔離開人世。所有个毋盼得，寫做一首詩來紀念佢、懷念佢，這首詩就安到靈魂个故鄉。佢个故鄉就在苗栗縣銅鑼鄉，銅鑼係厥个胞衣跡，毋過佢初中畢業過後，就離開吔故鄉，同當多人共樣，出外地去讀書、做事、做兵、成長立業。

讀書、就業个過程，聽佢講無麼个困難。台北工專畢業後，識到漢翔公司去做設計、食頭路，續後佢在台中成家立業，講起來也順順序序。毋過，人生个路程，毋會一路平平順順，下把仔，也會孔孔翹翹，一無注意，也會跌到頭腫面腫、
頭疤面疤。

𠊎後來聽佢講，因為一擺愛載妹仔去補習，驚怕赴毋著時間，嫌妹仔毋知在該摸麼个，譴啊著就巴掌嫲盪啊過去，實實貼貼打著妹仔个面頰卵，該一巴掌，打壞忒佢同妹仔个感情，也打離忒佢兩公婆个婚姻，成時講著這，佢試著自家無管好自家个情緒、當無應該，也試著自家同妹仔、餔娘个緣，仰會恁薄、恁淺。

毋知哪年个八月半暗晡，因為朋友个紹介，佢來到吾小南埔个老屋，該係𠊎第一擺摎佢認識。愐起來該央時，佢應該已經過慣吔自家一儕人个生活，一儕人做一儕人食，一儕人飽全家就飽。恁多年來，麼人毋知一儕人定著會孤栖，也定著會寂寞。好得賣酵素、做幹細胞个生理；恁多年來，佢交吔當多个朋友，還有銅鑼个親戚同學，係佢个生活重心。

見堵著客人，佢定著同人講客話；見傳簡訊、LINE，佢也慣勢寫客話，這係恁多年來𠊎同佢熟事，看著佢个堅持。愐想，講客話、寫客文、唱客家歌，係佢靈魂盡重要个故鄉，就像故鄉銅鑼，係佢一生人个愛戀。

恁多年來，𠊎也試著講客話、寫客文、唱客家歌，分𠊎尋轉自家个自信、尊嚴。這自信尊嚴，有家鄉南庄个奶汁哺育、有土地親人个培養照顧，對有情天地，生出一首又一首个詩歌，獻分有情个天地，獻分親朋好友，盼望多多少少，做得延續、創新客語文个生命；盼望加加減減，做得尋轉自家靈魂个故鄉，永久定疊安生，毋使像孤魂野鬼，也毋使過再流流漂漂。
2018.05.15寫在南庄

活動

• 7/4前 全站滿$1,600享93折
• 7/4前 全站滿$3,000享9折