起一堆火在路脣: 邱一帆客語詩歌文集 | 誠品線上

起一堆火在路脣: 邱一帆客語詩歌文集

內容簡介

內容簡介 《起一堆火在路脣：邱一帆客語詩歌文集》係台灣知名个後生客家詩人阿帆牯，2017年從事客語詩歌書寫，彙集而成的第一本詩歌結晶。本書總共收錄93首客語詩歌作品，細膩地呈現作者的在地生活經驗和阿帆牯豐沛的情感，對於客家生活與文化的描寫具體、真切而感人，充分表現客家鮮活的意象。 雖然自1988年12月台灣客家人發起「還我母語」運動迄今已足足30年了；官方也在客家人「感恩戴德」下，於2001年成立了「行政院客家委員會」(2012年更名為「客家委員會」)，然而二、三十年來，不論在「客家母語」說與寫的推動上，或「客家文化」的認知與建構上，始終還是像「起一堆火在路脣」完全共樣，只有在「萬一」，亦係「意外」的情況下，才得以見到微弱的火花。 本書分為「節令」、「時事」、「社會」、「生命」四輯，內涵傳統詩、舊山歌與客家歌謠的旋律，捕捉現代詩歌的音樂性與意象性，充分呈現詩人對於客語和人生的關懷。期望本書的出版，除了能激發關心(或熱愛)在地情感、生命和客家母語的讀者之性靈外，亦能多少對推動客語詩文學教學同研究，培養更多愛戀土地、愛戀客話的客家詩人、作家，有所助益。

作者介紹

作者介紹 ■作者簡介邱一帆係苗栗縣南庄鄉人，畢業於新竹教育大學台語所客語組，目前在苗栗南庄國小教書、合力創刊《文學客家》。從1994年開始，在客語文學个創作、研究、教學領域持續耕耘，不斷發表，希望客語文學在台灣文學个園地開花結果，分大家欣賞、肯定客語文學。作品識得過苗栗縣夢花文學獎、李江卻台語文學獎、教育部客語文學獎等，作品選入《收冬戲－客家詩與歌交會的慶典》、《客委會－臺灣客家文學選集Ⅰ》、《教育部－台灣客家語朗讀文章選輯》、「國立台灣文學館－母語文學常設展」等。出版有客語詩集《有影》、《田螺》、《油桐花下个思念》、《山肚个暗夜》、《阿姆个心事》、《長流水：邱一帆客家散文集》；論述《族群．語言．文學》、《詩人．語言．文學》。追求客語文學个藝術化，追求客家文學論文个客語化，係佢個人從事客家語文學創作、研究个心得，也係其堅持个理想。

產品目錄

產品目錄 序言節令篇日出，新年 春雨 春天心花開 熱天个枝仔冰 熱天个日頭 秋天个目汁 秋月 秋天个雨水 八月半 雨毛仔 消息 地動夢醒 地牛 時事篇你敢有想過 吾思華 裝毋落中國 沙文主義 行入歷史肚項个人 有麼个問題 升旗典禮 天光吂 中正个愁慮 臺文朋友再會 風聲 冤枉 愐想二二八 湖井頭个距離 過橋 銅像 𠊎就係𠊎，毋係若个 𠊎聽著你還在該唱歌仔 屠宰，和平 你做你，想仰般就仰般 包袱仔 歷史定著記得 社會篇母語个聲響 客．話 客家女聲 係講還做得看著你 𠊎無可能轉到頭擺 钁頭个愁慮 塞車 盼望 朝晨四點 烈烈个日頭下 細電珠仔 妄想 垩無問過你，就摎你降下來 新開特展 音樂觀摩表演會 來轉台三線草坪音樂會 歡喜合唱个網 南埔國小週年紀念歌 學生誠意請食酒 斷烏个時節 網路，世界 做茶系列 關電火 朝市海產 聞香下馬 台東寄來个詩同夢 水筆書法 文學步道 最後一封公文 生命篇成為一個人 早慢 有情天地 農舍 開嘴失聲 戀習曲 牽手，幸福 酒醉在理想个國度 梅姬 風搓一景 留下 寒風穿牆入間房 唸唸唸唸 轉屋家 戀 月光 等著歸暗晡个愁慮 三生，三牲 㧡擔上崁仔 七月，佢孤孤單單一儕人 覺，醒 一蕊靚靚个花 孤栖行一條路 硘工夫 行春 該日想講个話 人生盡尾項个旅程 人生旅程，一路好行 起一堆火在路脣

商品規格

最佳賣點

最佳賣點 : 《起一堆火在路脣：邱一帆客語詩歌文集》係台灣知名个後生客家詩人阿帆牯，2017年從事客語詩歌書寫，彙集而成的第一本詩歌結晶。本書總共收錄93首客語詩歌作品，細膩地呈現作者的在地生活經驗和阿帆牯豐沛的情感，對於客家生活與文化的描寫具體、真切而感人，充分表現客家鮮活的意象。

試閱文字

推薦序 : 序言

起一堆火在路脣，
分遊遊野野个人燒暖，
融化衫褲項个霜雪；
起一堆火在路脣，
分流流漂漂个人燒暖，
融化心肝肚个霜雪。

2016年12月3號，跈等南庄鄉合唱團去到臺北市，參加中山基督長老教會舉辦个「流浪者之歌」慈善音樂會，目的係為台北市个街友、遊民來募款，希望協助街友个團體，有兜仔經費來為遊民服務，分佢兜燒暖，分街友、遊民做得度過寒冬、冷天。

論真講，臺灣係寶島，人民在這位有追求自由、追求財富、追求幸福个權利；在這位政治民主、經濟自由、社會項還有燒暖个人情味。想著吾姆講个，總愛肯煞猛、會打拚，食、著生活定著毋使愁！毋過，仰會還有恁多个遊民、街友在台北都市肚、在莊下个街路項？

這種現象背後个反映，一種講係佢兜自家个選擇，佢兜有錢好過生活，無想分家庭約束、無想分制度綑綁，甘願流流漂漂、遊遊野野，餐風露宿、逍遙自在！毋過，這兜人佔遊民街友个比率，毋知有幾高？一種講係臺灣歸個制度，行向資本主義、經濟自由化个道路，資本家/頭家永久係市場經濟个贏家，資本越多越贏面，無法度累積資本个勞工/員工永久就係輸家，想愛在這制度底下翻身無恁該，弱勢者還較可能，緊來緊弱勢，到尾來，放棄當多个生活理想，高不將，做遊民街友！

這兩種反映，牽涉著個人自由个選擇，還有經濟制度底下無奈何、不得不个情況。照恁仰來看，都市、莊下遊民、街友个現象，定著毋會在臺灣社會消失，毋過，還係盼望臺灣社會有較多兜仔燒暖，在人家寒天个時節，起火燒樵，燒暖別人，融化別人衫褲項、心肝肚个霜雪。
2018.05.15寫在南庄